شِعر عادى جِدااااا

عادى جداااااااااا
مرة ابيض مرة اسود ... مرة يبقى الكون رمادى
كله عادى
يوم بكون مجنونة وطايشة .. يوم بكون عاقلة وهادية
اليومين بيفوتو عادى
بفتكر تفاصيل طفولتى ... وانسى مين زارنى الليلة ديه
حتى لو افتكرته عادى
ناس بتيجى تجر شكلة .. ويقولولى انتى اللى بادية
بس بهاودهم وعادى
ناس بكون عايشة عشانهم ..ميشوفوش فرق فى حياتهم
بين وجودى وبين بعادى
مش بلومهم بردو عاادى
لما نبقى اتنين احبة .... وفى ثوانى نكون اعادى
مش هنخسر حاجة عادى
مهما يعلا الموج عليا .. بردو يفضل قلبى راضى
وكل مرة يقولى عادى
كل يوم بيفوت عليا .... نفسى احقق فيه مرادى
واللى مش مكتوبلى اشوفه
مش هقاوم برضو عاادى
تايهة منى حاجات كتيرة ... مش بشوفهم حتى لما يبقو عالرصيف قصادى
مش هشوفهم ؟؟
عادى عادى
ببقى واقفة جنب حلمى ... لو بعلى الصوت بنادى
مش بيسمع بس عادى
حتى لما بفكر اكتب .. مش بلاقى كلام يعبر
فجأة اﻻقى دماغى فاضية
والكلام بقى كله عاادى

اتمنى ان يعجبكم

انتى اللى مبدعة